പൊളി

പൊളി അഥവാ രജത്.... അവനെ കുറിച്ചാണ് ഈ പോസ്റ്റ്‌.
ആദ്യ കൊല്ലം ക്ലാസ്സിലെ Mr .പേഴ്സണാലിറ്റി ആയി പെണ്‍കുട്ടികള്‍ തിരഞ്ഞെടുത്തവന്‍....
പക്ഷെ ഒരു കൊല്ലം കഴിഞ്ഞപോള്‍ ആണ് എല്ലാവര്ക്കും അവന്റെ പേഴ്സണാലിറ്റി ശരിക്കും മനസിലായത്...
ഒരു കൊല്ലം കഴിഞ്ഞപോള്‍ ക്ലാസ്സിന്റെ Mr .പേഴ്സണാലിറ്റി, Mr . പഞ്ചാര ആയതാണ് എല്ലാവരും കണ്ടത്. അല്ലെങ്കിലും പെണ്‍കുട്ടികള്‍ക്ക് ഇത് തന്നെ വേണം. അങ്ങിനെ കോളേജിലെ മുഴുവന്‍ പെണ്കൊടികളും പോളിയുടെ മാസ്മരിക വലയത്തില്‍ അത്ഭുധ പരതന്ത്രായി(ഇതിന്റെ അര്‍ഥം അറിയാത്തവര്‍ എന്നെ നേരിട്ട് വിളിച്ചാല്‍ മതി. കാര്യം എനിക്കും അര്‍ഥം അറിയില്ല. ചുമ്മാ ഒരു ജാടക്ക് കിടകട്ടെ എന്ന് വച്ചു.) നടന്ന കാലം....എന്ന് അവന്‍ കരുതിയിരുന്ന കാലം....അതാണ് ശരി....അങ്ങിനെ കോളേജിന്റെ പഞ്ചാര കുട്ടനായി(ശര്‍ക്കര കുട്ടന്‍ എന്ന് വിളിക്കുനതാണ് അതിന്റെ ഒരു ശരി.. :-)) നടക്കുമ്പോള്‍ ആണ് പൊളിക്കെതിരെ ധീരജും ലിബിനും ചേര്‍ന്ന് അപവാദം അടിച്ചിറക്കിയത് . പൊളിക്കു ഞാന്കളുടെ ക്ലാസ്സിലെ ഒരു പെണ്‍ കൊടിയോട് പ്രേമം...അവന്‍ പോക്കെറ്റില്‍ പ്രേമ ലേഖനം വച്ചാണ് നടപത്രേ..അവസരം കിട്ടിയാല്‍ കൊടുക്കാന്‍...
തന്നെ കുറിച്ച് ഉണ്ടായ ആ തെറ്റിധാരണ മാറ്റാന്‍ തീരുമാനിച്ച പൊളിക്കു അങ്ങിനെ ഒരവസരം വന്നുചേര്‍ന്നു..
ഒരു ദിവസം ക്ലാസ്സിലെ എല്ലാവരും കൂടി ചുമ്മാ വെയില്‍ കായുന്ന നേരത്താണ്(നാലു കൊല്ലം ഇത് തന്നെ ആയിരുന്നു പണി!!) നമ്മുടെ നായികാ അത് വഴി നടന്നു വന്നത്. അതുകണ്ട  പൊളി പിന്നാലെ ചെന്ന്, ജഗദീഷ് സ്റ്റൈലില്‍ വിളിച്ചു, "കുട്ടീ എച്ചുസ്മീ"....ചിരപരിചിതമായ ആ പഞ്ചാര ശബ്ദം കേള്‍ക്കേണ്ട താമസം,
അവള്‍ ഒരു P . T ഉഷ ആയി മാറുന്ന കാഴ്ച ആണ് ഞങ്ങള്‍ കണ്ടത്(പൊളിയെ CWG യില്‍ വനിതാ ടീമിന്റെ കോച് ആക്കിയിരുന്നേല്‍ ഒരു പാട്  P . T ഉഷ ഉണ്ടായേനെ!!!). ഞങ്കളുടെ ക്ലാസ്സിലെ ബെന്‍ ജോണ്‍സന്‍ ആയിരുന്ന പൊളി ഒന്ന് ഓടിച്ചിട്ട്‌ പിടിക്കാന്‍ ട്രൈ ചെയ്തെങ്കിലും, നിരാശനായി പിന്തിരിയുകയാണ് ഉണ്ടായതു...
പോളിയുടെ നിരാശ നിറഞ്ഞ മുഖം കണ്ടു പൊട്ടിച്ചിരിച്ചു എല്ലാവരും, പക്ഷെ എനിക്കപ്പോള്‍  തോന്നിയത് ചെയ്യാത്ത കുറ്റത്തിന് ശിക്ഷിക്കപെട്ട ഒരു കുറ്റവാളി ആണ് പൊളി എന്നാണ്...എങ്കിലും അവന്റെ വളിഞ്ഞ ആ മോന്ത കണ്ടപ്പോള്‍ എനിക്കും കഴിഞ്ഞില്ല, ചിരിക്കാതിരിക്കാന്‍ !!!